|
Walser Speisekarte
As gid doch nüd Bessers, wia nämmes Guats scho am Morged,
mit Ribl ond Kaffee ischt ma versorget,
bis ma Späck ond Käs für ds Nüüne uf an Tisch richt
ond wänns rächt heiß ischt, chalte Milch drzua triicht.
Uf dr Alp isset ma Suufe ond a chlei Schottagsig drzua,
des ischt nämmes Guats ond bis Mittag he'ma gnua.
Ja, guat Ässa ond Triicha, des gid halt Kraft,
Mändle ond Wiible bliba bis i ds ho' Alter im Saft.
A diigne Suppa ond Hafalaib mag ma ond ischt gsond,
Kääs-Chnöpfle, guat gschmalza, oder suur' Nuudla macha di mit dr Zit halt boda rond.
Zu magera Zita isset ma lotschega Chnöpfle oder as Türggamuas us dr Pfanna,
Chuddla, Brännsuppa, abgschmalzne Chränsle im irdena Gschiir us dr Chachelrama.
Bi Wii-Schtrüüble ond Häftchüachle cha mas verliida,
zua gsottna Erdöfpl ghört egschpeerta Kääs. da ischt ma zfriida.
Z Wianachta an saftega Biiraziabl ond a paar Gleesle Enzian drzua.
Zwischetdür amal a Milchbrocheta ond oms Güütschla a Rua,
Öpflchratzed ond Heidelbeermuas ischt mr liaber as wia an rächt gwättna Zopf -
also wer a söttige Spiis-Charta ned eschtimiert, isch a chlei an eifacha Tropf.
Hedi Fontain
| 
Anreise